اولاً البنات :
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تتكلم عن اللي سوتا في اخوها الصغير امس .
- كل بنت تمشي وفي جيبها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت على طول تسوي تليفون للدكان اللي على الشارع ..
- والبناتالاذكياء الدوافير يعني اول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت صديقتها غايبة فيه ..
- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي ..
ثانيا الشباب:
- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )
- واثنين من الشباب ينطرون متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم محل في طريقهم وبعد نص ساعة يرجعون المدرسة ..
- وشلة تروح وره المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير و المدير حابسهم في غرفة الاحتجاز ويسوي تليفون حق اهلهم
- اما واحد تشوفه فارش غترته على الارض ويكمل نومه ( لان طول الليل مانام يشوف فلم ويلعب سوني )
موضوع: الفرق بين تصرفات البنات و الشباب في فسحة المدرسة 
الأربعاء نوفمبر 17, 2010 2:27 am
